Dros Frigau'r Don: cerddi Cymraesau'r bedwaredd ganrif ar bymtheg yn America. Dieser Artikel ist nicht verfügbar.Dros Frigau'r Don: cerddi Cymraesau'r bedwaredd ganrif ar bymtheg yn America

Dan olygyddiaeth Melinda Gray, PhD Prifysgol Harvard a Phwyllgor NAASWCH, cyflwynir cerddi diaspora Cymreig Unol Daleithiau’r America yn y flodeugerdd hon am y tro cyntaf, ochr yn ochr ag ambell gerdd Saesneg sy’n adlewyrchu cyd-destun diwylliannol dwyieithog y ‘byd newydd’.

Drwy atgyfodi’r cerddi eang hyn, ceir cipolwg ar fywydau’r beirdd a sut y defnyddiwyd barddoniaeth i gynnal rhwymau teuluol ymysg y Cymry a oedd ar wasgar ar hyd Gogledd America a phontio’r pellter rhwng cymunedau yr hen wlad a’r byd newydd. Yn wir, dangosa’r flodeugerdd sut yr oedd y Cymry-Americanaidd yn gwasanaethu eu cymunedau ac yn cyfrannu at fywyd cyhoeddus yr Unol Daleithiau yn fwy eang.

Cyn dechrau ei doethuriaeth yn Harvard,treuliodd Melinda Gray flwyddyn yn astudio iaith a llenyddiaeth y Gymraeg ym Mhrifysgol Aberystwyth a dilynodd gwrs wlpan ar gampws  Prifysgol Cymru y Drindod Dewi Sant yn Llambed. Mae hi wedi cyhoeddi erthyglau ar waith ysgrifenedig Cymry America y bedwaredd ganrif ar bymtheg mewn cyfrolau yn yr Unol Daleithiau ac yng Nghymru. Mae hi’n aelod o Fwrdd NAASWCH ac yn cefnogi’r gwaith o drefnu cynadleddau rhyngwladol mewn Astudiaethau Cymreig. Mae hi’n byw yn Cambridge, Massachusetts.