O ladrón de soños (INFANTIL E XUVENIL - PEQUENO MERLÍN - Albums) - Hardcover

Über die Autorinnen und Autoren

Sabela Fernández Trelles é mestra especializada en Audición e Linguaxe e licenciada en Psicopedagoxía. É autora de diversos artigos e materiais de ámbito pedagóxico, como o proxecto de estimulación da linguaxe oral «O Dragón Pepón» (2010). Como autora de literatura infantil publicou «As aventuras de Mariña e Lucas» (2012), así como os álbums ilustrados «Augusta e os seus medos» (Xerais, 2015) e «O ladrón de soños» (Xerais, 2018), ambos ilustrados por Alicia Suárez, e «Que queres ser de maior, pequena?» (Xerais, 2021), ilustrado por María Brenn. En 2024 publica na colección Merlín o libro «A miña avoa, a miña heroína» (Xerais, 2024).

Alicia Suárez (Pontevedra, 1974). Estudou Belas Artes en Pontevedra, é profesora de ensino secundario dende 1997 e traballa dende o ano 1998 no mundo da ilustración infantil. O seu primeiro conto ilustrado foi "O rei ra". Posteriormente participou nas coleccións Contos do mundo para a ONG Solidaridade Internacional e Makakiños día a día, contos para nenos con necesidades educativas específicas: "Nicolás cociña sen lume", "Nicolás vai de compras" e "A ratiña presumida". Tamén colaborou coas revistas CLIJ no ano 2001 e HOLA cocina no ano 2012. En 2005 foi seleccionada na bienal de Bratislava. En Xerais publicou os álbums con texto de Sabela Fernández Trelles, "Augusta e os seus medos" (2015) e "O ladrón de soños" (2018).